Witajśo se w nowem šulskem lěśe!
Lube wuknice a wukniki, lube starjejše, lube koleginy a lube kolegi,
Žycymy wšyknym wuspěšny start do šulskego lěta 2023/24.
Wósebnje nowych wuknikow a nowe wuknice wutšobnje witamy:
W pětej rědowni jo to 28 źowćow a gólcow a w 7. lětniku jo 56 nowych pónjeźele prědny šulski źeń na našej šuli měło.
Hyšći krotki pśeglěd wó tom, co jo se za cas lěśojskich prozninow na NSG cynił:
- Naša wuknjeńska platforma moodle ma nowy design.
- Zachoda do starego šulskego doma su renowěrowali.
- Na šulskem dwórje mamy za pśichodne tyźenje twaŕnišćo. Na iniciatiwu šulskego towaristwa dostanjomy wjeliki słyńcny šćit. Wobłuk dajo se pón teke wužywaś ako „zelena rědownja“.
Z toś tym pozitiwnym wuglědom žycymy Wam hyšći raz dobry start, wjasele pśi wuknjenju a wjele wuspěcha w pśiducem šulskem lěśe.