šulske partnaŕstwa

Co słoźi lěpjej – twarog z wólejom abo palatmlince (Palatschinken)?

Co ga to wóznamjenijo? Smy šulske partnarstwo z gymnaziumom w českem měsće Hořice zachopili. Hořice lažy na kšomje Běmskego paradiza, 25 km wót města Hradec Kralowe. Wósebnje wukniki sekundarnego schojźeńka I se wobźeluju na wuměnje z českeju šulu. W rytmusu wót 2 lěta jěźomy do Hořice abo pśijědu česke wukniki k nam do Chóśebuza. My bydlimy w gósćeńskich familijach, aby malsnjejše nazgónili druge nałogi a pócynki.

Kužda wuměna stoj pód hynakšeju temu. Raz su to lětne case a jich nałogi, pón mystiske bytosći, naše šulske systemy abo wšakorake pówołanja.

Na kuždy part su gromadne kulturne a sportojske zarědowanja pódla. My jěźomy do Barlinja a se woglědamy muzeum Pergamona, źěłamy ak stare Słowjane w muzeumje w Dešnje abo se pśechojźujomy pśez Borkowy z Lutki Tours. W Českej jěźomy na kuždy part do Pragi, do Safari Zoo Chlum abo drogujomy pśez Běmski paradiz.

Wšojadno kótary program absolwěrujomy, nazgónijomy hynakšu kulturu a móžomy nowych pśijaśelow póznaś.