WUTŠOBNY ŹĚK!

Pódpěrarjam a pópěraŕkam mamy źěkowaś, až naš crowfunding-projekt jo mógał do financěrowańskeje faze startowaś.
Wažne: Pśi kuždej pósćiwance wót 5€ pśidajo VR-Banka Łužyca hyšći raz 5€. Wašo pósćiwanje se pótakem pšawje wupłaśi. Něnto licy napšawdu kuždy euro!

 

Parlicki, wósk a baslenski drot – toś te materialije wužywa nowa wuknikojska firma Dolnoserbskego gymnazija – "Parlicka".

Wukniki a wuknice 11.-ego lětnika stwórje kreatiwne produkty a póbituju je na wšakich gódownych wikach w regionje na pśedań. Swěcki a pyšnotki su inspirěrowane wót barwow a motiwow našeje regiony.

Lube starjejše, lube pódpěrarje,
jo dłujki cas intensiwnego planowanja trjebało – ale mjaztym jo pśisamem zwónoźone: Wót nalěśa 2024 nas šćita wjelicka  płachta w barwach serbskeje chórgoji na šulskem dwórje. Wětšy źěl financěrowanja pśewzejo našo šulske towaristwo. Wutšobny źěk!
Teke Wy móžośo nas pódpěrowaś. My smy crowfunding akciju startowali.

My se wjaselimy wó wašom pópěrowanju!
Kuždy euro licy za wjelebócne šulske žywjenje.

 

Jo rozsud wósebneje wažnosći: Rozsuźenje za dalejwjeźecu šulu. Wjele wuknicow a wuknikow stwórtych a šestych lětnikow ako teke jich starjejšych stoje rowno pśed tym pšašanim. „Mimo fachowego wusměrjenja šule jo teke atmosfera, wobswět, ale teke zeznaśe ceptarjow a ceptaŕkow wažne, aby mógali familije se rozsuźiś. To comy na ‚ dnju wótwórjonych źuri ‘ dnja 1. decembra 2023 zmóžniś ”, se rozpowěda wjednik šule dr. Matthias Guttke.

 

Comy našu wósebnu šulu wót 16.00-19.00 góź. zajmcam pśedstajiś.
Naše starše wukniki budu našych gósćow pśez šulu wjasć. Ceptarje a ceptaŕki su zgromadnje ze wuknicami a wuknikami napněte doglědy do našogo šulskego žywjenja pśigótowali a stoje raźe za pšašanja k dispoziciji.

 

Lube wuknice a wukniki, lube starjejše, lube koleginy a lube kolegi,

Žycymy wšyknym wuspěšny start do šulskego lěta 2023/24.
Wósebnje nowych wuknikow a nowe wuknice wutšobnje witamy:
W pětej rědowni jo to 28 źowćow a gólcow a w 7. lětniku jo 56 nowych pónjeźele prědny šulski źeń na našej šuli měło.

Kólasowanje za wobswět. Kólasowanje za klimu. Kólasowaś ako zgromadna akcija.
Wšo to a nic wuběźowanje jo stojało na prědnem městnje wobźělenja pśi rulowanju města.

Lěcownož jo se jano 5 lětnikow z 72 aktiwnymi kólasowarjami (mjazy nimi teke starjejšymi, starymi starjejšymi ako teke bratšow a sotšy našych wuknikow) w 3 tyźenjach cełkownje 4468,8 kilometrow kólasowali, jo naša šula 3. městno zabrała.

Kótare městno by móžno było, gaby pśiducy raz ceła šula se wobźěliła?

5 wuknicow a wuknikow lětnikow 7-10 jo zastupowało našu šulu na 15.02.2023 pśi regionalnem finale na gymnaziumje "Max Steenbeck".
Pśi tom stej dojśpiłej Aliya Kärgel z lětnika 7 a Josefine Vergin z lětnika 8 wjelicne 1. městno.
Wobej stej se z tym za krajny finale kóńc maja we Frankfurśe kwalificěrowałej.
Wutšobne glukužycenja k toś tomu wjelicnemu wuspěchoju.

Smy gjarde na was a tłocymy palce!
Dirk Lange

 

Zu unserer traditionellen godownicka erwarten wir wieder viele Gäste: Eltern und Großeltern, Geschwister und Ehemalige. Vor der Veranstaltung lädt der Schulverein des Gymnasiums an seinen Verkaufsstand.

 

Im Angebot sind Trinkflaschen, Turnbeutel und T-Shirts. Besonderer Renner beim Schuljubiläum waren die Hoodies im NSG-Style. Aber auch der Jahreskalender 2023 mit Motiven aus dem Kunstunterricht dürfte sich gut unter dem Weihnachtsbaum machen.

 

Wjele wuknikow a wuknicow 6.-eje a teke 4.-eje rědownje se pšaša:
Źo buźom w pśiducem šulskem lěśe wuknuś? Kótara šula jo ta pšawa za mnjo?
Na 2. december 2022 wót 16.00-19.00 góź. namakaju snaź wótegrona w našej šuli.
Pśepšosymy wutšobnje na "Źeń wótworjonych źuri".
My se wjaselimy južo na Was!

 

Zachopjeńk nowembra smy k 20.-emu razoju šulsku olympiadu w biologiji pśewjadli.

Z rědownjow 7 do 10  jo se wobźěliło dogromady 38 wobźělnikow.

 

Gjarde dobyśarje a dobyśaŕki su:

• Aliya Kärgel (7a)
• Josefine Vergin (8a)
  
• Luca Schulze (9a)
  
• Charles-Edward Schwietzer (10a)

Wutšobna gratulacija!