Rědownja z wósebnym wugbaśim a wobdarjonosću
Wót lěta 2007 zběramy wobšyrne nazgónjenja w spěchowanju wugbałych wuknikow. Spěchujomy wósebnje rěcne a towarišnostnowědomnostne wobdarjonosći. Za to pśiwzejomy wuknikow pětego lětnika do rědownje z wósebnym wugbaśim a wobdarjonosću.
Cele
We wucbje glědaju ceptarje na indiwiduelne pśichylnosći a wobdarjenje źiśi. Tempo wucby, intelektuelny niwow a personalne a socialne kompetence na to se wusměriju. Wukniki nawuknu, samostatnje wědu pśiswójś se a pśipódla swóju kreatiwnosć wuwijaś. Spěchujomy na problemy orientěrowane źěło a pśedmjat pśesegajuce projekty. Pśi tych projektach do seśi zwěžomy nimšćinu, serbšćinu, engelšćinu, towarišnostnu wědomnosć a wugótowanje žywjenja-etiku-nabóžninu.
Rěcne wobdarjonosći spěchujomy ze zawjeźenim drugeje cuzeje rěcy Serbšćina. Wót sedymego lětnika wuknu wukniki teke bilingualnje.
Za towarišnostnowědomnostny profil źěłamy na regional-spezifiskich temach a kompleksnych towarišnostnych problemach. Skoboźimy našych wuknikow na demokratiskem wugótowanju šule se wobźěliś.
Zwopšawdnjenje
Kak se spěchuju wobdarjonosći?
Spěchujomy je we ramiku regularnych wucbnych casow a góźinskeje tofle. Tempo wuknjenja se pówušyjo a wucbna maśizna na wažne se reducěrujo. Wukniki nawuknu, samostatnje wědu pśiswójś se. Za to se wótměwaju góźiny k nawuknjenju metodow „Wuknjenje nawuknuś“.
Rěcne wobdarjonosći
Rěcne wobdarjonosći spěchujomy ze zawjeźenim serbskeje rěcy ako drugu cuzu rěc. Wukniki maju w kupkach wucbu.
- Wót sedymego lětnika zachopijo se biligulna wucba.
- Wukniki se wobźěluju na wuběźowanjach (The Big Challange, serbska olympiada, Zwězkowe wuběźowanje cuzych rěcow, Serbski comic).
- Druge wuknjeńske městna se wužyju za na projekty glědajucu wucbu (knigłowe wiki w Lipsku, Piccolo-źiwadło).
- Wukniki mógu se wobźěliś na kružkach, kenž pódpěruju rěcne wobdarjonosći (źiwadło, konwerzacija, žurnalizm).
Towarišnostnowědomnostne wobdarjonosći
- Wukniki nawuknu źěło w teamje.
- Wukniki mógu se wobźěliś na kružkach, kenž pódpěruju towarišnostnowědomnostne wobdarjonosći.
- Wukniki wužyju druge wuknjeńske městna (Serbski muzej, krajny sejm, Sejmownja Nimskego rajcha, centrum za cłowjeske pšawa)
- Wukniki mógu se wukubłaś daś ako wurownarje zwady.
- Wót sedymego lětnika mógu wukniki se wobźěliś na wuměnje wuknikow z českeju šulu.
- Wukniki mógu se wobźěliś na wuběźowanjach ako zwězkowych wuběźowanjach, planowe graśe berza.